Einkennilegur gjaldmiðill.

Í fréttum RÚV í dag og í gær var þessi sorglega frétt. 

Áratugagamalt framleiðslufyrirtæki sem staðið hefur í samingaviðræðum við Arion banka vegna gengisláns sem hefur margfaldast vegna gengishrunsins hefur nú gefist upp á viðræðum við bankann. Fyrirtækið er í góðum rekstri og hefur margfaldað afkomu sína á síðustu árum. Fyrirtækið skuldaði bankanum 300 milljónir króna og ræður vel við að greiða þá skuld en nú stendur lánið í 11 hundruð milljónum króna vegna hruns krónunnar -og það ræður fyrirtækið ekki við. Stjórnendur fyrirtækisins vilja ekki að nafn þess komi fram vegna viðskiptahagsmuna.

Nú væri gaman ef fréttastofa RÚV upplýsti okkur almúgann í hvað mynt lánið er. Ég veit ekki um neina mynt sem hefur styrkst svona mikið gagnvart ISK.

 

Athugasemdir

[Sigurður Sigurðsson, 7.9.2010 kl. 15:15]

Það er greinilegt að þú hefur ekki þurft að eiga við glæpaliðið í bönkunum. Upphæðir virðast hafa þann leiða vana að margfaldast umfram það sem eðlilegt getur talist þegar þú skuldar þeim og dragast sem óeðlilega þegar þeir skulda þér.

[Jón Þorbjörnsson, 7.9.2010 kl. 22:50]

Sæll Sigurður, takk fyrir að senda athugasemd.

Mér finnst ósennilegt að gengistryggt lá stökkbreytist úr 300 í 1.100 mkr. Það er eitthvað annað þarna á ferðinni sem fréttastofa hefur gleymt að segja frá.

kv Jón Þorbjörnsson