Til hamingju Þórsarar.

Ég held að keppni í 1. deild Íslandsmótsins hafa aldrei verið jafn skemmtileg og í sumar. Ennfremur er ljóst að liðin er leika betur en síðustu ár, það á einnig við í efstu deild. Mikið af kornungum og stórefnilegum leikmönnum eru að koma fram á sviðið. Þetta skiptir mál þar sem stuðningsmenn vilja fá skemmtun þegar þeir mæta á völlinn.  

Ég fór á leik Leiknis og Fjölnis í gær með þá von í brósti að Leiknir kæmist upp í efstu deild. Ég Fjölnismaðurinn get ekki séð betur en að það væri mikilvægt fyrir Breiðholtið að fá lið í efstu deild. En auðvitað verða öll lið að leggja sig fram eftir bestu getu og Fjölnisliðið var það gott að Leiknir átti varla möguleika á að ná stigi í leiknum. Inn í þetta blandaðist eitthvað að nokkrir leikmenn Fjölnis áttu harma að hefna frá 2006 þegar Leiknismenn lögðu sig extra fram við að koma í veg fyrir að Fjölnir kæmist í þá stöðu að komast upp í efstu deild.  

Það er þó huggun að Þór frá Akureyri komst upp í efstu deild. Það er mikilvægt að Akureyri eigi fulltrúa í efstu deild. Það væri draumastaða ef allir landshlutar ættu þar fulltrúa og svo stóru úthverfin í Reykjavík.  Í stuttu máli er það ÍA fyrir vesturland, Þór fyrir norðurland, eitt lið frá Austfjörðum, Selfoss fyrir suðurland og Keflavík eða Grindavík fyrir Reykjanes og svo sjö lið af höfuðboragrsvæðinu. FH frá Hafnarfirði, Breiðablik úr Kópavogi. Stjarnan úr Garðabæ.  KR auðvitað sem svona kjarnalið með sterkar hefðir og ótúlega öfluga stuðningsmenn: Tvö miðbærjarlið sem koma fram fyrir hönd Fram, Val, Víkings og Þróttar og svo stóru úthverfin þrjú, Fjölnir úr Grafarvogi, Fylkir úr Árbær og  og Leiknir eða ÍR úr Breiðholti.  

Í efstu tveimur deildunum eru liðin að mestu hætt að manna þau með útlendingum og er það af hinu góða, en þó eru það ÍBV og Valur sem eru að reyna þetta. Hjá ÍBV hefur þetta heppnast en ekki hjá Val. Ef ég fengi að ráða þá væri það undantekning ef liðin væru að nota útlendinga. Það er betra að vera ekkert að tefla fram liði, en að fylla þau af misjafnlega lélegum útlendingum sem skilja ekkert eftir.  

Eftir að hafa fylgst ágætlega með 1. deildinni  í sumar sýnist mér að Fjölnir, Víkingur og Þór séu með sterkustu liðin. Leiknir stendur þeim aðeins að baki. Víkingur og Þór fara í efstu deild. Fjarðabyggð og Njarðvík falla. Ég held að það sé sanngjörn niðurstaða. Víkingur Ólafsvík og BÍ/Bolungarvík verða á næsta ári í 1. deild. 

Hjá Fjölni virðist framtíðin vera björt. Árlega koma ágætir leikmenn upp úr yngriflokkastarfi sem endar eflaust með því að Fjölnir verður með gott lið í efstu deild sem að mestu verður byggt upp á uppöldum drengjum úr félaginu.

Athugasemdir

[UU (IP-tala skráð) 19.9.2010 kl. 20:13]

Mega þá Íslendingar ekki spila erlendis af því að í útlöndum eru ísleningar útlendingar ?  Þú ert ekki alveg í í jafnvægi með þetta er það ?

[Jón Þorbjörnsson, 19.9.2010 kl. 22:57]

Kæri UU.

Fyrir nokkrum árum voru 3 til 4 útlendingar að spila með flestum liðum. Þetta varð nú ekki til að bæta knattspyrnuna mikið og skildi lítið eftir hjá liðunum. Hverju skilaði það Haukum og Selfyssingum að taka inn erlenda leikmenn í félagsskipaglugganum í sumar? Engu aðeins aukinn kostnaður. 

Félögin hafa ekki úr miklu fé að spila og þess vegna ber þeim að nota það fé sem þau hafa til að hlúa betur að sýnum eigin leikmönnum. En að sjálfsögðu er þeim frjáls að gera það sem þau vilja og elrendum félögum er frjást að fá leikmenn frá Íslandi eins og þau vilja. En dæmin sanna að það er betra að byggja félögin innanfrá eins og best sést á árangri Breiðabliks. Það eru ekki nema 3 ár síðan þeir voru með 4 erlenda leikmenn.  Undantekning í ár er ÍBV sem hefur náð ágætum árangri í sumar, sennilega vegna þess hvað þjálfarinn þeirra er lunkinn við að ná í leikmenn sem geta eitthvað en það er jú undantekningin.

[Trausti (IP-tala skráð) 20.9.2010 kl. 12:30]

Sæll,

 Með fullri virðingu fyrir Þórsurum sem hafa himin höndum tekið og ég fagna veru þeirra á næsta ári í efstu deild, þá er ég algerlega búinn að fá upp í kok af þessari útlendingaumræðu. í dag er 6-7 uppaldir leikmenn ÍBV í byrjunarliðinu og 12-13 í hóp. í kringum þá eru Albert, Finnur, Ásgeir Aron og svo sterkir útlendingar, þar sem Garner, hefur verið í 4 ár, Tonny í 2 ár. Hættu að tala með óæðri endanum um hluti sem þú virðist ekkki hafa skoðað neitt sérstaklega heldur lepur upp eftir miðlum.

í 4200 manna samfélagi er ekki hægt að byggja lið bara upp á eyjamönnum, sjáum hvort að stefna Þórs breytist eftir erfitt undirbúningstímabil og hvernig ykkur gengur í efstu deild með uppalda, veit ekki betur en að það séu ,,útlendingar" í Þórs liðinu. 

baráttukveðjur norður en ekki tala bull

[Trausti (IP-tala skráð) 20.9.2010 kl. 12:36]

Sæll

vildi bæta því við að ég veit ekki betur en að ÍBV eigi nokkra atvinnumenn í fótbolta og landsliðsmenn ásamt því að Þórarinn Ingi Valdimarsson var nýverið kallaður inn í u-21 árs. Þessir strákar græða heilmikið af því að spila með útlendingum sem geta eitthvað, Hlynur Stefánsson var 3x meiri leikmaður vegna þess að Zoran spilaði við hliðina á honum og Eiður Aron er mun betri leikmaður vegna Garners og Rasmus sem spila við hliðina á honum. Einhverjir detta út en þá eru þeir hvort eð er ekki nógu góðir. 

ÍBV gengur vel vegna þess að það er góður andi og ekki voga þér að gera lítið úr þætti, Alberts, Þórarins, Eiðs, Andra, Tryggva, Arnórs í árangri ÍBV og eigna hann erlendu leimönnunum eingöngu.

kv.

[Jón Þorbjörnsson, 20.9.2010 kl. 21:47]

ÍBV gengur vel af því það er troðið af útlendingum, Grindvíking í marki og snilldar þjálfara og Andra og Tryggva. Knattspyrnufélag Grímseyjar gæti ná ágætum árangri með því að fá 11 miðlungs útlendinga. Ég man þá tíð þegar ÍBV varð Íslandsmeistari aðeins mannað Vestmannaeyingum. Mér fannst meiri reisn yfir því afreki en að hlaða niður útlendingum í liðið.

kv