Jón Gnarr er óborganlegur

Jón Gnarr var í Kastljósi áðan. Til að byrja með fannst mér þetta svolítið vandræðalegt. En Gnarr hefur greinilega undirbúið sig vel. Tafsaði til að byrja með þegar hann var að verjast aulaspurningum spyrjandans. Síðan kom hann með nokkra góða punkta og varð heldur mælskari. Líkti sér við forsetann síðan íhugar hann að loka skíðasvæðinu í Bláfjöllum þar sem allt er til staðar nema snjór og taldi sig svo að lokum vera mikilhæfan borgarstjóra.

 

En að lokum toppaði hann viðtalið þegar hann fór að ræða um Sjálfstæðisflokkinn. Hann telur að flokkur skiptist í tvo hluta. Hann á í góðum samskiptum við annan hlutann en hinn parturinn fattaði ekki að hann væri draugur úr fortíðinni sem fattaði ekki að hann væri dauður. Það þyrfti Whoopi Goldberg til að láta hann vita af því.

 

Ég held að enginn hafi orðað vandmál Sjálfstæðisflokksins betur. 

 

 

Athugasemdir

[M.jak (IP-tala skráð) 10.11.2010 kl. 00:00]

Frábært

Aldrei heyrt núverandi vanda Sjálfstæðisflokksins skilgreindan á jafn einfaldan og skiljanlegan hátt, þ.e. fyrir þá sem hafa séð viðkomandi kvikmynd, auðvitað.

m.jak