ESB, já eða nei.

Eftirfarndir grein birti ég á þessu bloggi í vor sem leið og framhaldinu er bætt við vegna ákalls frá SJAK/Meistara Jakob.

---------------- 

Þeir sem standa lengst til vinstri og hægri í íslenskri pólitík eiga það sameiginlegt að vera algerlega á móti aðild að ESB. Rökin eru aðallega að með aðild afsölum við okkur fullveldinu og siðan hagsmunir sjávarútvegs og landbúnaðar.

Þó virðist mér það vera aðallega vera einhver trúarbrög að vilja ekki ganga í ESB og þaðan af síður að kanna kosti og galla við þá ákvörðun.

Eins og í hverju trúfélag er betra af trúa fyrst og þegar trúin er orðin staðföst geta menn farið að skilja hvað liggur að baki. Sannkristnir menn eiga betra með að skilja sannleik Biblíunnar en ókristnir eða illa kristnir. Enhvern veginn er ég viss um að Gunnar í Krossinum skilur þetta vel. Sjálfstæðismenn hafa verið aldir upp eftir þessari Bibíuskoðun um að allt sé vont í ESB, en þeir skulu sko ekki reyna að komast að því hvað það er sem er svona hræðilega vont. 

Á Alþingi Íslendinga er ungur og bráðefnilegur þingmaður. Virðist vera vel gefinn, mælskur og frambærilegur í alla staði. Hann segir það blákalt að það sé alveg sama hvað kemur út úr aðildarviðræðum að ESB, hann muni alltaf vera á móti aðild Íslands að ESB.

Ætli þessi drengur hafi alist upp hjá Gísla í Uppsölum? Hvaða afdalamennska er þetta?

Það að vilja ekki kanna kosti og galla við ESB er svipað og vilja ekki lifa í nútímanum.

----------

Nú eru andstæðingar aðildar að ESB farnir að auglýsa í skiltum. Eitt risastórt stendur í Hafnarfirði og þar stendur "ÍSLAND Í ESB - NEI TAKK". Ég get samþykkt sumt af því sem andstæðingar ESB halda fram, en annað ekki.

Getur einhver haldið því fram að Danmörk, Svíþjóð eða Finnland hafi glatað sjálfstæði sínu eða fullveldi við það að ganga í ESB?. Ég get það ekki. En aftur á móti þurfa þessi lönd að uppfylla fullt af kröfum sem ESB setur þeim. Eflaust fylgir aðild að ESB alveg ógurleg skriffinnska og reglugerðarveldi sem einhverjum þykir erfitt að uppfylla. Það getur orðið erfitt fyrir Íslenska stórbokka að lúta reglugerðarveldi ESB.

Stórbokkar sem hafa valsað um á Íslandi í skjóli þess að við erum svo sérstakir, gáfaðir, klárir og við eigum svo auðvelt með að taka ákvaranir af því Íslendingar eru svo spes. Við eigum fallegustu konur í heimi og svo eigum við einnig íslensku krónuna sem hefur hjápað okkur í hruninu.

Við Íslendingar erum svo miklir veiðmenn og aflaklær að við látum ekki einhverja skriffinna í Brussel sem er stjórnað af Spánverjum og Potúgölum segja okkur hvað við meigum veiða og hvenær. Við veiðum úr flökkustofnum eins og okkur þóknast til að skapa okkur samningsstöðu. Sem betur fer er sjávarhiti að þróast þannig að stórir flökkustofnar eins og Makrílstofninn er orðinn aðgengilegur fyrir okkur og við gefum okkur að þrátt fyrir breytingar á hitastigi missum við enga stofna úr okkar landhelgi. Við teljum okkur eiga rétt á að veiða makríl af því hann kemur til okkar og er hér á beit.  Svona vinnubrögðum er ESB ekki sammála, ESB vill að um veiðar úr svona stofnum sé samið. Hróp útgerðamanna í Skotlandi og Noregi eru túlkuð sem sjónarmið ESB.

Þegar alþjóðlegt efnahagshrun blasti við haustið 2008 stóðu ESB-þjóðir ásamt Norðmönnum saman um að gera okkur lífið leitt okkur sakleysingjum á Íslandi sem horfðum upp á fjármálakerfið hrynja á einu augabragði eins og hendi væri veifað. Sumir hafa túlkað þetta sem umsátur um okkar litla land sem var stjórnað af vondum mönnum í ESB og Bandaríkjunum. Þá vaknaði sú von eitt augnablik að við gætum leitað til Rússa um aðstoð og síðan til Kínverja. En því miður, eitthvað hafði orðið til þess að litlu sakleysingjarnir á Íslandi fengu hvergi aðstoð nema hja AGS. Síðan hefur það verið upplýst að stjórnvöld fúlsuðu við aðstoð og ábendingum þegar okkur bauðst hún.

Hverning getum við gengið í efnahagssamband við þjóðir sem komu svona fram við okkur.

Ég hef aldrei skilið af hverju forustumenn landbúnaðar á Íslandi eru jafn einarðir andstæðingar ESB og raunin er. Er það vegna þess að við eigum svo yndislega gott lambakjöt eða er það vegna þess að mjölkin úr íslenskum kúm er svo holl að samband við Evrópu gæti spillt þessum gæðum varanlega. Eða er það vegna þess að hagur íslenskra bænda er svo góður að það má ekki við því að bæta hann. Eða mótast andstaðan af því að við erum svo hrifnir af Bjarti í Sumarhúsum og hans sjálfstæðisbaráttu sem mótaðist af því að allt vildi hann gera fyrir saukindina þrátt fyrir að það bitnaði helst á hans nánustu ættingjum.

 

Samfylkingin má eiga það að hún hefur aflétt því oki sem var á umræðunni um ESB, sem var viðhaldið af Gamla Sjálfstæðisflokknum eins og Jón Gnarr kallar hann. Nú er verið að kanna hvaða kostir og gallar eru á því að ganga í ESB. Það virðist reyna alveg óskaplega á Gamla Sjálfstæðisflokkin og ekki síður á skelfilegustu afturhaldssamtök sem til eru á Íslandi í dag en það eru Vinstir-Grænir (VG).

Vonandi ber okkur gæfa til að ljúka samningaviðræðum við ESB þrátt fyrir andstöðu afturhaldsaflanna sem sameinast í VG og Gamla Sjálfsæðistflokknum sem að vísu er dáinn en veit það ekki ennþá. Þegar viðræðum er lokið og við þekkjum staðreyndir þá getum við rætt um hvað aðild að ESB þýðir. Þá get ég metið kosti og galla að ganga í ESB.

 

Athugasemdir

[Meistari Jakob (IP-tala skráð) 17.11.2010 kl. 00:44]

Opinn í báða enda.

ESB! já,já-nei,nei-stefnan hefði einhvern tíma verið kölluð framsóknísk, en leyfist já/nei-skoðun á ESB-umsókn í þjóðfélagsumræðunni???.  Ég held einmitt að það sé heilbrigt og eðlilegt að hafa slíka skoðun meðan upplýsingar, lagatúlkanir, samkomulagsdrög og þ.h. eru að fæðast.  Þar á eftir er fyrst hægt að vera já-maður eða nei-maður.

Þeir alþingismenn og aðrir sem nú vilja hætta viðræðum treysta greinilega ekki okkur "skrílnum" til að geta kosið þjóðinni til heilla þegar samningar liggja fyrir, af því þeirra prívat stefna er sú eina rétta.

Í vikunni kom fram í Þinginu að setja bæri lög um stöðvun viðræðna við ESB þar sem svo lítill hluti þjóðarinnar væri nú fylgjandi viðræðum.  Það hlyti því að merkja að setja ætti lög aftur eftir 3-4 mánuði um að hefja viðræður að nýju ef fylgi við aðildarviðræður snarykist.  Fara að nota lög landsins eins og tyggjó.  

Þessi vandræðagangur sýnir best lélegt stjórnarfar hjá landanum og þörf á bragarbót utanfrá.

Að lokum vil ég segja að það er mér gremjulegt að verða að viðurkenna að ég er sammála nánast hverju einast orði bloggara jonth varðandi skrif hans um þessi málefni, en eitthvað klórari umsögn hans um íslensku krónuna í bakið á mér, en ég vissi ekki hvort hann var þar að spauga eða ekki. 

Meistari Jakob