Stórbrotin afrek lögreglunnar.

Mikið afskaplega er ég stoltur af lögreglunni. Mér hefur verið gert það ljóst að ég er ökufantur. Ég hef tvívegis verið tekinn fyrir ofsaakstur og því hef ég stofnað lífi og limum samborgaranna í verulega hættu.

Í fyrra skiptið var ég á 35 km/klst og í það síðara 37 km/klst sem er að sjálfsögðu refsivert háttarlag, þar sem hámarkshraði á þessum stöðum var 30 km/klst. Ég skil að þetta er glæpsamlegt hátterni þar sem barnaskóli var í nánd og von á öllum litlu börnunu út á götu rétt eftir klukkan fjögur á föstudegi.

Það er ekki aðeins ég sem er ökufantur. Það er allt að 50% bíla sem mælast á glæpsamlegum hraða á milli 30 og 40 km/klst. En það er undarlegt að lögreglan skuli vera með mælingar þegar börnin eru lögnu farin heim úr skólanum. Hvernig væri nú að eltast við þá sem aka um á ofsahraða á skólatíma. Ætli menn dragi ekki úr ofsahraðanum þegar þeir sjá smábörn á ferli. 

En lögreglan hefur þó sýnt mér þann skilning að ljúka málinu með smávægilegri sekt, sem ég hef gert í bæði skiptin. En lögga, takk fyrr að gera mér grein fyrir að ég er ökufantur, ég ætla að bæta mitt ráð.  

Athugasemdir

[Lúðvík Júlíusson, 1.3.2011 kl. 12:07]

í Phoenix, amk á meðan ég bjó þar, þá var hámarkshraðinn við skóla 15 mph þegar krakkar voru að koma í eða fara úr skóla.  Á öðrum tímum var hámarkshraðinn 35 mph.  Á meðan hámarkshraðinn var 15 mph þá voru sérstakir gangbrautaverðir sem gættu þess að allir gættu sín.

Mér fannst þetta ágætt fyrirkomulag.

[Jón Þorbjörnsson, 1.3.2011 kl. 15:56]

Mér finnst það einum of að vera sektaður á 35 og 37km/klst. Ég skil alveg tilganginn. Þetta er aðeins of mikið af þvi góða.